Midilibre.fr
Tous les blogs | Alerter le modérateur| Envoyer à un ami | Créer un Blog

17/02/2009

L’óuliveto de mèstre Jan

Pour mes amis Provençaux qui lisent mon blog voici la traduction de ma dernière note - amicalement à vous tous - Denyse

L’óuliveto de mèstre Jan èro perdudo dins lis eùse, pichoto isclo au mitan de la mar di bos. Lou tèms a passa, la bouscarato es esta bastido….

L’óuliveto es toujour aqui un pou esquichado, mai tambèn isclo de resistanço dins li counstrucion mouderno.

Pouden veire encare aquelo meraviheto de « Sinfòni Pastouralo », un pradoun mounte passon li bedigo, lis ave, uno capitelo per faire pauseto e s’apara dóu soulèu coume de la pluèio, pantaia un brèu, alena, oublida lis ouvàri de la vido que nous secuton……DSCN0187.JPG

Uno leio d’amelié pas’caro flourido, pamèns sian au mitan de febrié ! aquest an aven agu fre, lou printems es tras que capricious, noun se vei moureja, mai vendra ben ‘mé touti li flour, lou soulèu, et lou cèu blu.

Enfin, oundejante li fuèio argènt dis òulivié danson dins lou vènt coume di fadeto. DSCN0185.JPG


Tout èro aqui per apasima, estre en armounìo emé la naturo, aquelo naturo qu’agusan a cop d’estrouncarelo.

Counstruire dins li bos ! Quete bonur ! O ! mai…. Aquel aubre es tras que toucant, se faudrié pas que lou fiò prenguesse….. et zou…. estrouncarelo ! aquèu souloumbrejo lou bagnadou….zou… estrouncarelo…. Volé une bello tepo….zou estroucarelo .

Ah ! la vilo à la campagno acò es tras que bèn…..Li Camp d’Alis dins la garrigo !

Mai l’óuliveto élo résisto encaro, per quant de tèms ? Se pou pas dire…. Mai per arò
S’atroubo encaro, en sus de l’apasimen, en aquelo seison de roumanièu-counièu.


Vous dirai pas mounte la podès veire, mai adeja es assiejado de tóuti part et belèu un marrit jour s’esvalira coume un pantai…..

Les commentaires sont fermés.